رحلتنا المصوره الى دبي في صيف ((2008))

ووصلنا الفندق مثل ماقلتكم الساعه 11ونص باليل حنا بالفندق ؟؟
كان اسمها / الخليج هوليدي للشقق الفندقية .. وكانت حلوة بصراحة .. وكنا حاجزينها قبل نسافر..


كان الفندق عبارة عن غرفة رئيسية بدورة مياه وغرفتين ثانيات ومطبخ و2 دورات مياه وصالة

وغرفة طعام ..
كل شيء موجود بالفندق من خدمات
حتى انترنت دي إس إل موجود بس إنه تكلفته تحسب لحالها ..

الساعة بـ 15 درهم

((كان ودي اوريكم الفندق بس الصور للاسف حذفتهن ))

باقي أقولكم إنه المدام اللي بتسكن بهالشقة راح تكون مرتاحة من هم التنظيف والمسح والكنس ..

لأنه كل يوم راح يمر عليكم عمال النظافة الخاصة بالعمارة وراح يقومون بالواجب .. من كنس وتمسيح وترتيب
السرر وتغير المناشف وتجدد الصابون ..

طبعاً اليوم اللي وصلنا فيه تعشينا و
نمنا على طووووول وصحينا تقريباً على الساعة10بتوقيت دبي ..

تقهوينا وبعدين طلعنا نتعشى برا على الساعة 11 ..
وبعدين رحنا لابن بطوطه ..
(((اليــــــــــــــــــوم الأول )))وقعدنا وتسوقنا وتعشينا وبعدين رجعنا للفندق ونمنا لين بكرة ..




وهذا الشكل عجبن وقعدت اصور خواني ليييييييييييييييييييييين خلص شحن الجوال








شووفوو السقف تقل سماء صدق انا مادريت الا بعد عشر نظرات تاكدت انه كذب








بكرة إن شاء الله أحط لكم حكاية اليوم الثاني من الرحلة ..

اليوم الثاني


صحيت من النوم الساعة11 الصبح تقريباً وريحة القهوة فااااااااااييييييييييحه ..
صحصحت وغسلت وطلعت لقيت أمي لحالها صاحية تشتغل بالمطبخ ..

قعدت معها أساعدها بالفطور .. سوينا بيض وجهزنا كل شي .. إلا وأبوي يدخل جاي
ورحنا مول الامارت
طبعاً مول الإمارات هذا من أفضل المجمعات التجارية بالعالم .. لأنه شامل لكل شي ..

أول شي فيه فندق خمس نجوم تابع له ..

ثاني شي فيه كارفور هايبر ماركت ..

ثالث شي إنه مكان لتجمع كثير من الماركات العالمية والمحلات الكبيرة ..

رابع شي فيه محلات لتأثيث المنازل ومحلات إلكترونيات ..

خامس شي فيه مجموعة كبيرة من المطاعم مقسمة في ..

هذا غير الكوفي شوب اللي موجودة بكل زاوية .. ستاربكس وكوستا وسيراميك وغيرها ..

سادس شي إنه يحتوي على صالة ألعاب للأطفال كبيرة (ماجيك بلانيت) ..

سابع شي فيه سينما سني ستار .. وهي مكونة من عدد كبير من الصالات ..

ثامن شي وهو أفضل شي إنه يشتمل على (سكي دبي) وهي مدينة الثلج الفريدة من نوعها بالشرق

الأوسط بثلج حقيقي .. وهي قسمين : حديقة الثلج .. والمنحدر الثلجي وارتفاعه 400 متر ..

وراح اوريكم صور ((لسكي دبي ))









وهاذي الزحليقا هجت بي هجه محترمه ..>>خخخخخخخخخ







هاذي تقطع القلب الرقيه..


هذا الكاس من الثلج برد وثلج ((فلونزا على طووول))



القريه الثلجيه تطل على المول ..مثل ماتشفون بالصوره..

يتبع .......

وصلنا مول الإمارات الواقع على شارع الشيخ زايد

دخلنا وبدأنا بمشوار الدوران في المحلات ..

طبعاً ذاك اليوم كنت متنحة شوي وكنت أصور فيديو بس .. وما لقطت صور فوتو ..

لكن رجعنا مرة ثانية في يوم ثاني لمول الإمارات وأخذت هالصور الجاية ..

هذي مواقف المول .. ولاحظوا كم دور .. ولاحظوا الزحمة .
.





وهاذي صوره لـ((ماجيك بلانيت))



يوم وصلنا الفندق..طلبنا من ((بيتزا هت))

ونمنا استعداداً ليوم ثالث من أيام الرحلة السعيده ..


يتبــــــــــــــــــــــــع ..

اليوم الثالث

صحيت تقريباً الساعة 11 الصبح .. وطلعت وتقهويت مع أهلي ..

وبعدها بشوي صحوا بقية اخواني وأفطروا وعينوا من الله خير ..

وقعدنا نقرر وين نبي نروح اليوم
وطلعنا تقريباً الساعة5العصر ..

لسوق التنين ((الصيني))
وبحكم إننا نعمر بيت جديد .. .. يعني بحاجة لمستلزمات بناء وتأثيث

كثيرة .. عشان كذا قررنا نروح كلنا للسوق الصيني ..

هالسوق هذا كبيييييييييييييييييييييييييييييييييييييييييييييييييييييييييييييييير ..

وبالمناسبة هو مغلق ومكيف مو زي ما كنت أعتقد إنه بمكان مفتوح ..

ومبني السوق كله من الخارج على شكل تنين ..

وصاير بشكل متعرج وله أشواك زي ظهر التنين ..

يعني من الخارج تحفة ..



السوق هذا مختص بكافة المنتجات والصناعات الصينية .. مقسم لعدة أقسام ..

أداوت بناء .. وأجهزة كهربائية .. ومطابخ .. وأبواب وشبابيك .. حمامات ومغاطس .. ثريات ولمبات

وأمور الإضاءة .. أجهزة مساج .. ألعاب أطفال .. ملابس واكسسوارات .. لوحات فنية وتحف .. أدوات

مطبخ .. جوالات وأجهزة كمبيوتر وتقنيات .. أدوات مكتبية وقرطاسية .....إلخ

باختصار .. كل ما يخطر على البال من أكبر شي لأصغر شي موجود بهالسوق .. يعني الصين كلها داخل

هالسوق ..حتى الي يبعون صينين يعني الصين مصغره ..

وفيه بالداخل كشكات وبوفيهات ..


السوق بعيد شوي عن فندقنا ..

المسافة تقريباً ثلث ساعة .. والطريق سريع ما فيه إشارات ..>>((وكد مره ضيعنا قعدنا ساعتين ونص وحنا ندوره ))طقت اسبدنا ..

وصلنا السوق ولفينا .. وأكذب عليكم لو قلت لكم إننا لفينا ربع السوق ..!>>×خخخخخخخخخ

ما خلصنا ولا ربعه من كثر ماهو كبير ترددنا عليه 3 مرات .. وتعبنا بعد وطاحت رجلينا .. قعدنا وتقهوينا .. وكملنا لف ..


وهذي صور من السوق ..


هذا مدخل السوق الرئيسي



وهذا من الداخل







ورجعنا للفندق ..

وطلبنا .من ((بيتزا هت)).>>ماعندنا غيره لان ابوي واختي يحبونه ..


بعد العشا أنا كنت تعباااااااااااانة من المشي وبي نوم .. رحت نمت .. واخواني الصغار ناموو .. والبقية سهروا عند التلفزيون ..


واضن كفيت وفيت وباقي والله بس لا فضيت نزلتهن ..

وش هالحركااااااااات والفللللللللله


بس يعطيك العافيه والله مجهود تشكرين عليه



اخوكم:: عبودي

بس هذا اللي وصلتي له آآآآآآآآآآآآه حسبتك رحتي فنزويلا بس آمارات


أجل أنا آخر مره رحت سويسر ((يابعدي واثقة))

بس أن شاء الله أنزلكم صور واشنطن

ههههههههههههههههههههههههههههاي

أنا بريدة وتخب علي ياقلبي أنا

مرحبا الساااع شحالكم شخباركم انا عضوة جديدة او بلهجتنا ( يديدة )

ايوا اكيييييييييييييييييد دبي حلوة والامارات كلها حلوة

( لاني اماراتيه ) ومن دبي بعد

والمديرة تعرفني ( 7anan)

و انتوا ما شفتوا كل شي بعدكم



ميناء السلام













والحين صورة لمول يسمى فيستيفال سيتي و هذا المول كللله فيه ماي او ( بلهجتكم مويه)

وفيه مراكب و تمشي فالماء والناس تركبها وهذا صورة لمركب








حياكم في دبي مرحبا بكم

ايه والله صادقه ((ميناء سلام))

مره جنان ..ويوم نروح كان فيه عيد راس السنه ((بالكريسماس))..وتشوفون العالم كيف مخترشين. .. ونااااااااسه مره
بس مصور وكل الصور الي مصورين فيها فيها صورنا ..
وبعضهن في كاميرا الفديوو ..


مشكور اختي حنان على المرور

مره ثانيه لا جينا محنا ماخذين فندق ..ع طول لبيتكم .>>مانت الاخت .هع هع هع .

يااااااااااااااااااي الامارات مره حلوه
تسلمين اختي على الصور